موال زعلان.......كامل

من طرف الطير الشريد الجمعة أبريل 04, 2008 11:47 pm

سلااااااام احبائي كيف الحال ان شاء الله مرتاحين....

هذا موال رائع تغنى به القيصر وهو من كلمات كاظم اسماعيل الكاطع...حبيت تشوفون اختيارات القيصر الرائعة...اتمنى ما يكون مكرر.....

الكم الموال.....

زعلان بس بس يازعل
لمن ترد للصدق
قبل المنادي اجي..وشلون جية اجي
اركض ركض محترق
يالذتك بمهجتي..وين القى مثلك هوى
لولاك والله اختنق...
هي شراكة نفس لو سكت قلبك سكت قلبي
ولو يدك قلبي يدك...
لو ما وقتنا صعب ما كان ابد نفترق
كلمن مشى لحالته...
واحد سكن بالغرب وواحد سكن بالشرق
كل هالمسافه..البعد
وسوالفك تنسمع كن احنا حلك بحلك
والله عشقنا عشق...

يامن مقدر على قيرك فصاله صعب
جندوب اخيط واشق
حنيت انا لشوفتك..
وصبرت بس ماصبر قلبي وصرخ..راح اطق
جاباني الك واذعنت
جيتك بليلة شتى
ظلمة ومطرها رشق
واشبعده صار الدرب..خوف
ورعيد ورعيد وثلج وكفوف ادية زرق
ببابك طحت ها قمت...
ظميت ادية وردت عالباب بالروح ادق
بس قالو المن تدق كلمن مشى لحالته..
واحد سكن بالغرب وواحد سكن بالشرق..

[b]كلمات كاظم اسماعيل الكاطع..[/b]